En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante a Resolución do 22 de agosto de 2016, o cambio de actividade forestal a agrícola nas parcelas 564 (recinto 2), 602 (recinto 2), 644 e 645 do polígono 4 do termo municipal de Sarria (Lugo).
O proxecto foi sometido previamente a avaliación ambiental simplificada e o informe de impacto ambiental foi formulado con data do 6 de xuño de 2016. Anuncio publicado no DOG núm. 137, do 20 de xullo de 2016.
Lugo, 29 de agosto de 2016
José Ramón Losada Fernández
Xefe territorial de Lugo