O Pleno da Corporación municipal do Porriño, en sesión ordinaria do 29 de xuño de 2016, aprobou inicialmente a modificación do Plan parcial do SUR-PPI-5 mediante acordo que ten o seguinte contido literal:
«1º) Aprobar inicialmente a modificación do Plan parcial do SUR-PPI-5.
2º) Someter o expediente a información pública durante un prazo de dous meses mediante anuncio que se publicará no Diario Oficial de Galicia e en dous dos xornais de maior circulación da provincia, notificando a todos os propietarios dos terreos afectados.
3º) Remitir un exemplar do plan parcial á Consellería de Cultura e Deporte para a emisión de informe preceptivo por parte da Dirección Xeral de Patrimonio Histórico-Artístico.
4º) Someter o expediente a consultas dos seguintes organismos:
– Confederación Hidrográfica do Norte.
– Augas de Galicia.
– Instituto de Estudos do Territorio.
– Dirección Xeral de Pesca, Acuicultura e Innovación Tecnolóxica.
5º) Suspender o outorgamento de licenzas de edificación, parcelación e derruba no ámbito do Plan parcial do SUR-PPI 5».
O que se fai público para xeral coñecemento, para que os interesados presenten as alegacións, reclamacións e suxestións que xulguen convenientes, durante o prazo de dous meses contados a partir da data de publicación no Diario Oficial de Galicia.
O Porriño, 28 de xullo de 2016
Eva García de la Torre
Alcaldesa