En cumprimento do disposto no artigo 13 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais desta secretaría xeral se depositaron os estatutos da Asociación Galega de Orquestras (AGO), que ten os seguintes ámbitos:
Territorial: Comunidade Autónoma de Galicia.
Profesional: empresas ou autónomos, con traballadores que leven a cabo as súas funcións no mundo do espectáculo público e da verbena, tanto ao aire libre como en centros pechados, sempre que sexa en directo, e que dispoñan dun centro de traballo ou domicilio social na Comunidade Autónoma de Galicia.
Asinan o certificado: Manuel Ángel Fariña Negreira e Juan Antonio Rodríguez Nájera, en calidade de presidente e secretario, respectivamente.
Santiago de Compostela, 22 de agosto de 2016
Covadonga Toca Carús
Secretaria xeral de Emprego