De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 258, do 27 de novembro), logo de tentar sen éxito a notificación persoal a través do servizo de Correos, notifícase ao interesado, por medio do presente anuncio publicado no Diario Oficial de Galicia (DOG) e no Boletín Oficial del Estado (BOE), a Resolución do 28 de xuño de 2016 pola que se acorda a extinción da autorización para a primeira venda que se sinala no anexo.
A eficacia do acto queda supeditada á súa publicación no taboleiro de edictos único do Boletín Oficial del Estado (TEU do BOE).
O interesado poderá comparecer, no prazo de quince días hábiles contados desde o seguinte ao da publicación deste anuncio, nas oficinas da sede da Dirección Xeral de Pesca, Acuicultura e Innovación Tecnolóxica, sita no Edificio Administrativo San Caetano, s/n, Santiago de Compostela, das 9.00 ás 14.00 horas, de luns a venres, para o coñecemento íntegro desta resolución e constancia de tal coñecemento.
Contra esta resolución, que pon fin á vía administrativa, poderase interpoñer recurso potestativo de reposición ante a conselleira do Mar no prazo dun mes ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, en ambos os dous casos contados a partir do día seguinte ao da publicación deste anuncio no TEU do BOE.
Santiago de Compostela, 10 de agosto de 2016
Juan Carlos Maneiro Cadillo
Director xeral de Pesca, Acuicultura e Innovación Tecnolóxica
ANEXO
Expediente: PE627A/nº exp.ext-2016/0000084-aut 18/2012.
Entidade interesada: Ameixa de Carril, S.L.
Establecemento afectado: parque de cultivo mariño nº 1057, O Carril, Vilagarcía de Arousa, Pontevedra.
Acto de notificación: Resolución do 28 de xuño de 2016 pola que se acorda a extinción da autorización para a primeira venda de productos pesqueiros que non sexan obxecto de primeira venda en lonxa.
Último enderezo coñecido: Punta Preguntoiro, 20, 36611 Vilagarcía de Arousa, Pontevedra.