A Xefatura Territorial da Coruña fai saber que a sociedade Construcciones López Cao, S.L., titular da concesión de explotación mineira para recursos da sección A) canteira Olveiro nº 26, promove a solicitude para a ampliación da canteira en 74.380 m2, co proxecto de explotación, o estudo de impacto ambiental e o plan de restauración, e, de conformidade co artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño), faise publicidade da devandita solicitude presentada.
Todas as persoas ou entidades que se consideren afectadas poderán examinar o expediente na Xefatura Territorial da Consellería de Economía, Emprego e Industria da Coruña no Edificio Administrativo Monelos, praza de Luís Seoane, s/n, 2º andar, 15071 A Coruña, e na seguinte ligazón: http://ceei.xunta.gal/recursos/iniciativas?content=iniciativa_00030.html
Tamén poderán presentar as alegacións que consideren oportunas no prazo de trinta días a partir do día seguinte ao da publicación deste anuncio.
A Coruña, 11 de xullo de 2016
Isidoro Martínez Arca
Xefe territorial da Coruña