Unha vez que adquiriu firmeza a sanción imposta á empresa que se relaciona, pola comisión dunha infracción moi grave en materia de prevención de riscos laborais, dáselle publicidade, de conformidade co disposto na Orde da Consellería de Traballo, do 30 de xullo de 2008, sobre publicación das sancións nesa materia e cos datos establecidos no artigo 3 da citada orde.

Nome ou razón social da empresa: Construcciones Dabalpo, S.L.U.

Sector da actividade e CNAE: construción de edificios residenciais (4121).

CIF: B32300832.

Domicilio social: rúa Xoán de Novoa, 4, 32004, Ourense.

Infracción cometida: artigo 13.14 do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto. Subscribir pactos que teñen por obxecto a elusión en fraude de lei das responsabilidades empresariais en materia de prevención de riscos laborais.

Precepto legal infrinxido: artigo 43.2 do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto, en conexión co artigo 24.3 da Lei 31/1995, do 8 de novembro, de prevención de riscos laborais.

Importe da sanción económica imposta: 40.986,00 euros.

Data de extensión da acta: 17.2.2011.

Data de firmeza da sanción: 28.4.2016.

Conforme o disposto no artigo 2.4 da Orde da Consellería de Traballo do 30 de xullo de 2008, publicarase semestralmente a relación de empresas sancionadas na páxina web da citada consellería. Ademais, procederase á inscrición no Rexistro Público de Empresas Sancionadas por comisión de infraccións moi graves en materia de prevención de riscos laborais dos datos publicados neste anuncio, de acordo co previsto no artigo 4 da orde. Estes datos cancelaranse de oficio aos cinco anos contados desde o día seguinte ao da súa publicación.

Santiago de Compostela, 6 de xullo de 2016

Covadonga Toca Carús
Secretaria xeral de Emprego