O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación dos convenios subscritos pola Consellería do Medio Rural nos meses de xaneiro, febreiro, marzo e abril que se incorpora como anexo a esta resolución.
Santiago de Compostela, 18 de xullo de 2016
Mª Carmen Bouso Montero
Secretaria xeral técnica da Consellería do Medio Rural
ANEXO
Convenios de colaboración subscritos pola Consellería do Medio Rural
nos meses de xaneiro, febreiro, marzo e abril do ano 2016
|
Convenio |
Importe |
Data sinatura |
|
Prórroga do convenio de colaboración entre a Consellería do Medio Rural e do Mar e o Laboratorio Interprofesional Galego de Análise do Leite (LIGAL) para a realización das análises de mostras de leite procedentes do control leiteiro do gando vacún de Galicia nas explotacións leiteiras. |
425.050,00 € |
1.1.2016 |
|
Convenio de colaboración entre a Consellería do Medio Rural e o Centro Galego de Control Leiteiro (Cegacol) para a realización de probas para determinar o rendemento leiteiro de gando vacún dentro do programa galego de selección e mellora da raza frisona, para o período 2016/19. |
2.660.000,00 € |
1.1.2016 |
|
Convenio de colaboración entre a Consellería do Medio Rural da Xunta de Galicia e Televisión de Galicia, S.A. («O Agro» e «Labranza»), 2016. |
50.000,00 € |
16.3.2016 |
|
Convenio de colaboración entre a Fundación Galicia Europa e a Consellería do Medio Rural para o financiamento dos gastos ocasionados polo persoal destacado na oficina da Fundación en Bruxelas. |
5.000,00 € |
31.3.2016 |
|
Convenio de colaboración entre a Consellería do Medio Rural e a Fundación Semana Verde de Galicia. |
65.000,00 € |
8.4.2016 |
