En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que na oficina pública de depósito de estatutos das organizacións sindicais e empresariais, presentouse acta expedida polo secretario da mesa do IX Congreso do Sindicato Labrego Galego-Comisións Labregas, Xosé Pérez, avalada co visto e prace do presidente, Enrique Outes Durán, celebrado o 12 de marzo de 2016, onde se reflicte a modificación dos estatutos da dita organización.
Ámbito territorial: Comunidade Autónoma de Galicia.
Ambito profesional: poderán ser afiliados/as do sindicato aqueles agricultores e agricultoras; gandeiros e gandeiras; ou silvicultores e silvicultoras, que co seu traballo directo e persoal, xa como titulares, como axuda, xa como cooperativistas e socios/as de calquera forma asociativa, traballen terras propias ou alleas, destinadas á produción agrícola, gandeira, hortofrutícola ou forestal. Tamén poderán acadar tal condición aquelas persoas que teñan explotacións de gandaría sen terra, sempre e cando as traballen elas directamente e/ou outros/as membros da familia.
Asinantes: Xosé Pérez (secretario da mesa do congreso), Enrique Outes Durán (presidente da mesa do congreso).
Santiago de Compostela, 29 de xuño de 2016
Covadonga Toca Carús
Secretaria xeral de Emprego