Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Barras Eléctricas Galaico-Asturianas, S.A.
Domicilio social: polígono empresarial As Gándaras, rúa A, parcela U2, Lugo.
Denominación: substitución de apoio LP Augas/entroncamento CTI chalé-9971-Meilán.
Situación: concello de Lugo.
Características técnicas:
1. Liña de media tensión aérea a 20 kV Augas apoio entroncamento CTI chalé-9971 con orixe no P1 da LMT Augas existente e final no P2 da LMT Augas proxectado tipo C-2000-12, cunha lonxitude de 51 metros en condutor tipo LA-110.
2. Liña de media tensión aérea a 20 kV Augas derivación CTI chalé-9971 con orixe no P2 da LMT Augas proxectado tipo C-2000-12 e final no CTI chalé, cunha lonxitude de 7 metros en condutor tipo LA-56.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 1 de xullo de 2016
Pilar Fernández López
Xefa territorial de Lugo