O Pleno da corporación municipal, na sesión ordinaria de data 27 de abril de 2016, aprobou inicialmente a addenda 1/16 ao inventario de camiños do Concello do Porriño, acordo que ten o seguinte contido literal:
Aprobación inicial da addenda 1/16 ao inventario de camiños:
«Por instancia dunha veciña e vistos os informes da empresa adxudicataria dos traballos de revisión e actualización do Inventario municipal de bens inmobles e camiños públicos do Concello do Porriño, e os informes da arquitecta municipal, proponse iniciar o expediente de addenda 1/16 ao inventario municipal, que consiste na proposta seguinte:
1. Incorporación do camiño 9017 do polígono 6 na Carreira-Cans ao Inventario municipal de camiños públicos en núcleos rurais do Concello do Porriño, solicitado por María del Carmen Pérez Rodríguez, sobre o cal se emitiu informe favorable para a súa incorporación, co número no inventario de camiños -0491-».
O que se fai público para o xeral coñecemento para que os interesados presenten as alegacións, reclamacións e suxestións que consideren convenientes, en cumprimento do estipulado pola lexislación vixente, polo que se somete o expediente a información pública durante un prazo de 30 días mediante a publicación no Diario Oficial de Galicia e taboleiro de edictos e páxina web do concello para os efectos de que os interesados presenten as reclamacións e suxestións que consideren convenientes.
O Porriño, 11 de maio de 2016
Eva García de la Torre
Alcaldesa