Mediante Orde do 21 de marzo de 2016 (DOG nº 71, do 14 de abril) a Vicepresidencia e Consellería de Presidencia, Administracións Públicas e Xustiza convocou unha liña de subvencións para o ano 2016, que establecía as bases reguladoras para a adxudicación, en réxime de concorrencia competitiva, aos concellos de menos de 50.000 habitantes, mancomunidades ou agrupación de concellos galegos, de equipamento de emerxencias, cofinanciados polo Fondo Europeo de Desenvolvemento Rexional.

Vista a proposta de resolución da comisión avaliadora, en aplicación do artigo 6, números 2 e 3, da referida orde,

RESOLVO:

Primeiro. Adxudicar con cargo á aplicación 05.25.212A.624.0, código de proxecto 2016 00026, programa operativo Feder-Galicia 2014-2020, eixo 5, tema prioritario 5.2. «Fomento do investimento para facer fronte aos riscos específicos, garantindo unha resiliencia fronte a catástrofes co desenvolvemento de sistemas de xestión de catástrofes» os equipamentos de emerxencia relacionados no anexo.

Segundo. Establecer unha lista de reserva conformada por todos os solicitantes admitidos co fin de redistribuír material non adxudicado, por posibles renuncias ou por nova adquisición, cara á posible renuncia dalgún beneficiario ou á adquisición de máis material, que será elevada posteriormente ao órgano competente para resolver. Na repartición deste material terase en conta a puntuación total acadada por cada entidade e a non obtención de equipamento da mesma especie na primeira adxudicación. En todo caso, esta segunda asignación non afectará a distribución inicial do equipamento entre as entidades solicitantes.

Terceiro. De conformidade co disposto no artigo 8.2.d) da Orde do 21 de marzo de 2016 pola que se establecen as bases reguladoras e a convocatoria de subvencións para o ano 2016 para a adxudicación de equipamentos de emerxencias, en réxime de concorrencia competitiva, a concellos de menos de 50.000 habitantes, mancomunidades ou agrupacións de concellos galegos, cofinanciado polo Fondo Europeo de Desenvolvemento Rexional, no marco do programa operativo Feder-Galicia 2014-2020, o/a alcalde/sa do concello, presidente/a da mancomunidade ou representante da agrupación de concellos, ao cal se lle conceda o equipamento solicitado, disporá dun prazo de dez días hábiles, contados a partir da recepción da comunicación individual da resolución favorable, para a súa aceptación ou renuncia.

Unha vez manifestada por parte da entidade beneficiaria a aceptación da subvención en especie concedida nesta resolución, a acta de cesión do equipamento concedido realizarase no prazo estimado de tres meses contados desde a data de recepción daquela. Non obstante, este prazo podería verse incrementado en función dos prazos de entrega do equipamento previstos nos correspondentes contratos derivados do procedemento para a contratación da subministración de equipamento para as emerxencias destinado aos concellos de menos de 50.000 habitantes que teñan agrupación de voluntarios de protección civil, expediente de contratación número 2016-SUEI 01-02-03-04-EM (núm. de referencia contable 2015-05-1858), procedemento aberto e tramitación ordinaria, por importe de 833.723,88 euros (IVA incluído), publicado no DOUE do 2.1.2016.

Cuarto. Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta orde.

Santiago de Compostela, 13 de xullo de 2016

O vicepresidente e conselleiro da Consellería de Presidencia,
Administracións Públicas e Xustiza
P.D. (Disposición derradeira cuarta da Orde do 21.3.2016)
Luis Menor Pérez
Director xeral de Emerxencias e Interior

ANEXO

NIF	Concellos, mancomunidades e agrupacións de concellos	Equipamento de emerxencias
P1500400E	Ares	Remolque de salvamento
P1500500B	Arteixo	Embarcación
P1500800F	Bergondo	Remolque de salvamento
P1500900D	Betanzos	Remolque de emerxencias
P1501100J	Boiro	Embarcación
P1501900C	Carballo	Embarcación
P1503600G	Fene	Remolque de emerxencias
P1503800C	Fisterra	Todo terreo Pickup
P1504400A	Malpica de Bergantiños	Remolque de salvamento
P1505200D	Mugardos	Remolque de emerxencias
P1505400J	Muros	Todo terreo Pickup
P1505300B	Muxía	Remolque de salvamento
P1505500G	Narón	Remolque de emerxencias
P1505600E	Neda	Remolque de emerxencias
P1506000G	Ordes «agrupación de concellos»	Remolque de emerxencias
P1507000F	Pontedeume	Remolque de salvamento
P1507100D	Pontes de García Rodríguez, As	Remolque de salvamento
P1507400H	Ribeira	Remolque de emerxencias
P1507800I	Santa Comba	Remolque de emerxencias
P1508800H	Valdoviño	Todo terreo Pickup
P2706800F	Burela	Remolque de salvamento
P2703100D	Monforte de Lemos	Todo terreo Pickup
P3200500A	Avión	Remolque de salvamento
P3200800E	Baños de Molgas	Remolque de emerxencias
P3200900C	Barbadás	Remolque de emerxencias
P3201300E	Blancos, Os «agrupación de concellos»	Todo terreo Pickup
P3202400B	Castro Caldelas	Todo terreo Pickup
P3202700E	Coles	Remolque de emerxencias
P3202900A	Cualedro «agrupación de concellos»	Todo terreo Pickup
P3203500H	Gudiña, A	Remolque de emerxencias
P3204000H	Laza «agrupación de concellos»	Remolque de salvamento
P3204300B	Lobios	Remolque de salvamento
P3204500G	Manzaneda	Remolque de emerxencias
P3205200C	Muíños	Remolque de salvamento
P3205300A	Nogueira de Ramuín «agrupación de concellos»	Todo terreo Pickup
P3206400H	Pobra de Trives, A	Remolque de emerxencias
P3208400F	Veiga, A	Remolque de emerxencias
P3600800A	Cangas	Remolque de salvamento
P3602300J	Guarda, A	Remolque de salvamento
P3604500C	Redondela	Remolque de salvamento
P8605705F	O Val Miñor, mancomunidade	Remolque de salvamento
P3605600J	Valga	Remolque de salvamento
P3606000B	Vilagarcía de Arousa	Remolque de emerxencias