Convocado o concurso para a provisión de postos de traballo vacantes do corpo superior da Administración xeral da Comunidade Autónoma de Galicia, escala superior de estatísticos, e do corpo de xestión da Administración xeral da Comunidade Autónoma de Galicia, escala técnica de estatísticos, á vista da proposta do 23 de maio de 2016, da comisión encargada de valorar os méritos achegados polas persoas concursantes e de conformidade coa base VIII.4 da convocatoria, esta dirección xeral
RESOLVE:
Primeiro. Facer públicas as puntuacións provisionais das persoas concursantes admitidas para cada un dos postos solicitados. Esta información atópase á disposición das persoas interesadas no portal web da Xunta de Galicia (www.xunta.gal), na epígrafe Función Pública.
Segundo. As persoas interesadas poderán formular reclamación contra as puntuacións provisionais no prazo de dez (10) días hábiles contados a partir do día seguinte ao da publicación desta resolución no Diario Oficial de Galicia.
Santiago de Compostela, 6 de xullo de 2016
José María Barreiro Díaz
Director xeral da Función Pública