A Secretaría Xeral da Emigración recibiu da Sala do Contencioso-Administrativo do Tribunal Superior de Xustiza de Galicia oficio no cal se solicita a remisión do expediente administrativo relativo ao recurso contencioso-administrativo P.O. número 266/2013, interposto por Rigoberto Osvaldo Osorio Saker contra a Resolución desta secretaría do 11 de xullo de 2013 pola que se lle denegou a axuda económica individual solicitada.
En consecuencia, esta secretaría xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que, de conformidade co establecido no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, se notifica para xeral coñecemento de todas as persoas interesadas no procedemento, que son emprazadas para que poidan comparecer como demandadas nos autos na Sala do Contencioso-Administrativo do Tribunal Superior de Xustiza de Galicia no prazo de nove (9) días, contados desde o seguinte ao da publicación desta resolución no Boletín Oficial del Estado.
Santiago de Compostela, 28 de xuño de 2016
Antonio Rodríguez Miranda
Secretario xeral da Emigración