Juan Álvarez González, en calidade de secretario da Sociedade Cooperativa Renova Cars, S. Coop. Galega, con domicilio en avenida Ernestina Otero, nº 52, 36800 Redondela, Pontevedra, certifica que: o 9 de maio de 2016 a asemblea xeral extraordinaria e universal de Renova Cars, S. Coop. Galega acordou a disolución de Renova Cars, S. Coop. Galega, e nomeou como liquidadores a Juan Álvarez González e Jonathan Nogueira Martínez. Ambos elaboraron o balance de liquidación e a adxudicación das partidas, recoñecendo expresamente no acto de liquidación que se devolve a totalidade da maquinaria recollida no activo por valor de 22.168 euros á entidade Maproin, S.L., propietaria desta, todo iso conforme o disposto pola Lei de cooperativas. Así pois, os socios deberán contactar cos membros da comisión liquidadora co obxecto de que lles fagan efectivas as cantidades que a cada un correspondan. Así mesmo, calquera persoa ou entidade poderá no prazo de dous meses desde esta publicación, presentar as reclamacións ou impugnacións que considere oportunas. Transcorrido este prazo e resoltas, de ser o caso, as reclamacións, considerarase aprobado todo o exposto anteriormente.
Redondela, 31 de maio de 2016
Juan Álvarez González
Secretario