Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: administrador de Infraestruturas Ferroviarias (ADIF).
Domicilio social: Sor Ángela de la Cruz, 3, 28020 Madrid.
Denominación: LMTS e CT 160 kVA para alimentación de túneles II e III do proxecto Nova liña de alta velocidade Ourense-Monforte-Lugo, variante A Pobra de San Xiao, plataforma e vía.
Situación: concellos de Láncara e O Páramo.
Características técnicas:
1. LMT aérea a 20 kV con orixe no apoio 89-9 da LMT SAR806 (apoio nº 1 do proxecto) e final nun paso aéreo a soterrado situado no apoio de celosía nº 3 tipo 14/2000 cunha lonxitude de 107 metros en condutor LA-56.
2. LMT soterrada a 20 kV en canalización proxectada de 440 metros e adosada ao lateral do viaduto de 160 metros, con orixe no paso aéreo a soterrado situado no apoio nº 3 e final no CT proxectado, cunha lonxitude total de 600 metros en condutor tipo RHZ1 2OL 12/20 kV 3(1×95 m2).
3. CT en edificio prefabricado de formigón tipo PFU-4, no cal se instala unha cela de remonte, unha cela de liña e unha cela de medida, cunha potencia proxectada de 160 kVA e unha relación de transformación de 20.000/400-230 V.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 2 de xuño de 2016
Pilar Fernández López
Xefa territorial de Lugo