A Dirección Xeral da Función Pública recibiu do Xulgado do Contencioso-Administrativo número 2 de Ourense providencia pola que se admite a trámite o recurso contencioso-administrativo D.F. 148/2016, interposto por María Luisa García Martínez contra a Resolución da Consellería de Facenda do 29 de abril de 2016, pola que se desestima o recurso de alzada contra o Acordo da Comisión Permanente Central que desestima a reclamación da selección de persoal interino para o Programa de activación para o emprego que tivo lugar o 1 de decembro de 2015 en Ourense e Pontevedra.
En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos do Xulgado do Contencioso-Administrativo número 2 de Ourense no prazo de cinco (5) días, contados desde o seguinte ao da publicación desta resolución no Diario Oficial de Galicia.
Santiago de Compostela, 13 de xuño de 2016
José María Barreiro Díaz
Director xeral da Función Pública