Execución de títulos xudiciais (ETX) 293/2015
Procedemento de orixe: despedimento/cesamentos en xeral 479/2015
Sobre: ordinario
Demandante: María del Carmen Couselo Ferreiro
Avogado: Laureano Manuel Barreiro Pereira
Demandados: Fondo de Garantía Salarial (Fogasa), Sofía López Sánchez
Eu, María Teresa Vázquez Abades, letrada da Administración de Xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 293/2015 deste xulgado do social, seguido por instancia de María del Carmen Couselo Ferreiro contra o Fondo de Garantía Salarial (Fogasa), Sofía López Sánchez, sobre ordinario, se ditou a seguinte resolución:
Letrada da Administración de xustiza: María Teresa Vázquez Abades.
Santiago de Compostela, 2 de xuño de 2016.
Antecedentes de feito:
Primeiro. María del Carmen Couselo Ferreiro presentou demanda de execución fronte ao Fondo de Garantía Salarial (Fogasa), Sofía López Sánchez.
Segundo. Ditouse auto en que se despachaba execución en data 20 de xaneiro de 2016 por un total de 11.000,19 euros en concepto de principal (9.189,81 euros en concepto de salarios devengados, 339,9 euros en concepto de xuros do artigo 29.3 do ET e 1.470,48 euros en concepto de indemnización) e de 1.100,01 euros en concepto provisional de xuros que, se é o caso, se poidan devindicar durante a execución e as custas desta, sen prexuízo da súa posterior liquidación.
Terceiro. Non se encontraron bens susceptibles de traba e deuse a preceptiva audiencia ao Fondo de Garantía Salarial.
Fundamentos de dereito:
Único. Dispoñen os artigos 250 e 276 da LXS que, de non se ter coñecemento da existencia de bens suficientes do executado nos cales facer traba e embargo, se practicarán as indagacións procedentes e, de seren infrutuosas, total ou parcialmente, a letrada da Administración de xustiza da execución ditará decreto de insolvencia tras oír o Fondo de Garantía Salarial e a parte demandante.
Vistos os preceptos legais citados e demais de xeral e pertinente aplicación,
Parte dispositiva:
Acordo:
a) Declarar a executada Sofía López Sánchez en situación de insolvencia total por importe de 11.000,19 euros en concepto de principal (9.189,81 euros en concepto de salarios devindicados, 339,9 euros en concepto de xuros do artigo 29.3 do ET e 1.470,48 euros en concepto de indemnización) e de 1.100,01 euros en concepto provisional de xuros que, se é o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.
b) Arquivar as actuacións logo de anotación no libro correspondente, sen prexuízo de reaperturar a execución se a partir deste momento se coñecen novos bens do executado.
c) Unha vez que sexa firme inscríbase no rexistro correspondente.
Notifíqueselles ás partes, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial as partes ou interesados e, de ser o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.
Modo de impugnación: contra a presente resolución cabe recurso directo de revisión, que se deberá interpor ante quen dita a resolución no prazo de tres días hábiles seguintes á notificación desta, con expresión da infracción cometida nela a xuízo do recorrente, artigo 188 da LXS. O recorrente que non teña a condición de traballador ou beneficiario de réxime público da Seguridade Social deberá facer un depósito para recorrer de 25 euros, na conta número 0049 3569 9200 0500 1274 no Banco Santander, S.A., e deberá indicar no campo concepto “recurso”, seguida do código “31 Social-revisión de resolucións letrado da Administración de xustiza”. Se o ingreso se fai mediante transferencia bancaria deberá incluír tras a conta referida, separados por un espazo coa indicación “recurso”, seguida do “31 Social-revisión de resolucións letrado da Administración de xustiza”. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase, con indicación no campo de observacións da data da resolución contra a que se recorre utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
E para que lle sirva de notificación en legal forma a Sofía López Sánchez, en ignorado paradoiro, expido o presente para a súa inserción no Diario Oficial de Galicia.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.
Santiago de Compostela, 2 de xuño de 2016
A letrada da Administración de xustiza
