Por Resolución da Alcaldía, do 13 de maio de 2016, aprobouse inicialmente o estudo de detalle para edificio comercial destinado a supermercado de alimentación e aparcadoiro, na antiga estrada de Santiago á Estrada km 3, lugar de Estivada (Cacheiras), promovido por José Ángel Martín Cuesta en representación de Mercadona, S.A. e redactado polo arquitecto Ramón Amadeo Facal Grobas.

De conformidade co artigo 47 da Lei do solo de Galicia (LSG) e co 121 do Regulamento de planeamento (RP), suspéndese o procedemento de outorgamento de licenzas naqueles ámbitos do territorio obxecto do estudo de detalle cuxas novas determinacións supoñan a modificación da ordenación urbanística vixente.

A duración da suspensión é de dous anos, e extinguirase en todo caso coa aprobación definitiva do estudo de detalle.

A área afectada pola suspensión é a dos dous inmobles cuxa referencia catastral se recolle a continuación:

– 15083A060000900000LQ. Superficie de 5.246 m2

– 15083A060000910001BA. Superficie de 3.252 m2

Conforme o artigo 80 da LSG, sométese o expediente a información pública polo prazo dun mes mediante a publicación deste anuncio no Diario Oficial de Galicia, en La Voz de Galicia, no taboleiro de edictos e na páxina web do concello. Durante ese prazo, que se computará a partir do día seguinte ao da publicación deste anuncio no DOG, os propietarios e demais interesados poderán formular as alegacións que teñan por conveniente para a defensa dos seus dereitos e intereses.

O expediente completo está á disposición dos interesados no Departamento de Urbanismo, en horario de oficina.

Teo, 25 de maio de 2016

Rafael C. Sisto Edreira
Alcalde