Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que no procedemento de execución de títulos xudiciais 85/2016 deste xulgado do social, seguido por instancia de Aurelio Pereiras Míguez contra Galisec, S.L.U. e Ibérica de Montajes y Servicios de Encofrado, S.A., sobre ordinario, se ditou a resolución en que se acorda:

«Despachar orde xeral de execución da Sentenza ditada con data do 15 de marzo de 2016 no procedemento de despedimento seguido perante este xulgado co número de autos 47/2016 a favor do executante, Aurelio Pereiras Míguez contra Galisec, S.L.U. e Ibérica de Montajes y Servicios de Encofrado, S.A., partes executadas.

Citar de comparecencia as partes e o Fondo de Garantía Salarial coas advertencias legais e facerlles saber que deben asistir cos medios de proba de que intenten valerse; fixo o vindeiro 19 de xullo de 2016, ás 9.45 horas, para a celebración da comparecencia.

De non asistir o traballador ou a persoa que o represente, terase por desistido na súa solicitude; se non o fai o empresario ou o seu representante, celebrarase o acto sen a súa presenza. Así mesmo, acordo a citación de Ibérica de Montajes y Servicios de Encofrado, S.A. por medio de edictos que se publicarán no Diario Oficial de Galicia.

Para que lle sirva de notificación en legal forma a Ibérica de Montajes y Servicios de Encofrado, S.A., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

Pontevedra, 19 de maio de 2016

A letrada da Administración de xustiza