Eu, Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 696/2013 por instancia de Diego José Nogueira Vázquez contra a empresa Soporte Multivendor, S.L., sobre Fogasa, nos cales se ditou sentenza o 13 de maio de 2016 que, copiada nos particulares necesarios, di así:
«Decido que debo estimar e estimo a demanda presentada por Diego José Nogueira Vázquez contra Soporte Multivendor, S.L. a aboar ao demandante a cantidade de 12.699,78 euros, máis o 10 % de xuro moratorio aplicado sobre os conceptos salariais.
Con intervención procesual do Fogasa.
Notifíquese a presente resolución ás partes facéndolles saber o seu dereito a interpoñer contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.
Dedúzase testemuño literal desta sentenza que quedará nestas actuacións, con inclusión da orixinal no libro de sentenzas.
Así por esta a miña sentenza, pronúncioo, mándoo e asínoo».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Soporte Multivendor, S.L. expido e asino o presente edicto.
A Coruña, 18 de maio de 2016
A secretaria xudicial