A Lei 1/2016, do 18 de xaneiro, de transparencia e bo goberno, crea, no seu artigo 33, a Comisión da Transparencia e atribúelle no seu número 2.a) a súa presidencia ao Valedor do Pobo.
No exercicio das funcións inherentes á presidencia da dita comisión, e por proposta da Federación Galega de Municipios e Provincias,
RESOLVO:
Primeiro. Que cese Eduardo Ramonde Rodríguez como vogal da Comisión da Transparencia en representación da Federación Galega de Municipios e Provincias.
Segundo. Nomear a Lucía González Louro, responsable da Área de Transparencia da Federación Galega de Municipios e Provincias, en representación da Federación Galega de Municipios e Provincias.
Santiago de Compostela, 1 de xuño de 2016
Milagros María Otero Parga
Valedora do pobo