Mediante escritos do 7.9.2015 e 2.10.2015 (con datas de rexistro de saída do 11.9.2015 e 5.10.2015 respectivamente) intentouse a comunicación aos reclamantes, Natalia Lueiro Corzón e Darío Lueiro Corzón, do trámite de audiencia relativo á reclamación de responsabilidade patrimonial por asistencia sanitaria prestada no Complexo Hospitalario Universitario de Santiago de Compostela (expediente RP-2010-0069-C).
Intentada a notificación deste trámite de audiencia segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio desta cédula e, ao abeiro o disposto no número 5 do referido artigo, notifícaselle a Natalia Lueiro Corzón e Darío Lueiro Corzón, o contido do referido trámite de audiencia que figura como anexo, para que poidan ter coñecemento del.
Consonte o artigo 61 da devandita Lei 30/1992, do 26 de novembro, a publicación do trámite de audiencia pode lesionar dereitos ou intereses lexítimos, polo que esta cédula se limitará á publicación, como anexo, dunha breve indicación do contido do acto e do lugar onde os interesados poderán comparecer en prazo, para coñecemento do contido íntegro do devandito acto e constancia de tal coñecemento.
A presente cédula expídese para que conste e lle sirva de notificación aos interesados, en cumprimento co disposto no artigo 59.5 da Lei 30/1992, do 26 de novembro.
Dispoñen dun prazo de 15 días hábiles, contados desde a data de publicación deste trámite de audiencia, para formular alegacións e presentar os documentos ou xustificacións que coiden pertinentes (artigo 84.2 da Lei 30/1992, do 26 de novembro).
A eficacia desta notificación quedará supeditada á súa publicación no taboleiro de edictos único do Boletín Oficial del Estado (BOE).
Santiago de Compostela, 12 de abril de 2016
Mercedes Lanza Gándara
Subdirectora xeral de Inspección, Auditoría e
Acreditación de Servizos Sanitarios
ANEXO
Nº expediente: RP-2010-0069-C.
Reclamantes: Natalia Lueiro Corzón e Darío Lueiro Corzón.
NIF: *****302Z; *****300N.
Último enderezo coñecido: rúa Nelson Mandela, nº 75, 15830, Negreira (A Coruña).
Contido da notificación: comunicación do trámite de audiencia relativo á reclamación de responsabilidade patrimonial por asistencia sanitaria.
Lugar de comparecencia: rúa Manuel Murguía, 10, 15701 Santiago de Compostela, A Coruña.
Prazo de comparecencia: 15 días.