Intentada a notificación do acordo da xefa territorial da Consellería de Economía, Emprego e Industria de Lugo, polo que se inicia o procedemento de reintegro da subvención concedida, e non sendo posible a súa práctica, por medio desta cédula, e segundo o disposto no número 5 do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e o establecido no artigo 61 do mesmo texto legal, notifícaselle á interesada o contido do dito acto como figura no anexo, para que poida ter coñecemento del.
De conformidade co previsto no artigo 38.3 da Lei 9/2007, do 13 de xuño, de subvencións de Galicia, concédeselle á interesada un prazo de quince días hábiles, que comezará a contar a partir do día seguinte ao da publicación da presente cédula no Boletín Oficial del Estado, para que poida formular as alegacións e presentar a documentación que xulgue pertinente ante esta xefatura territorial.
A interesada, durante este prazo, poderá presentarse ante o Servizo de Traballo e Economía Social da Xefatura Territorial da Consellería de Economía, Emprego e Industria de Lugo, sito na rolda da Muralla, 70, baixo, das 9.00 ás 14.00 horas, de luns a venres, para os efectos de coñecer integramente o contido do acto administrativo.
Lugo, 20 de maio de 2016
Pilar Fernández López
Xefa territorial de Lugo
ANEXO
Nº de expediente: TR349A 2012/75-2.
Nome: Katia Geada Pernas.
DNI/NIF: 33998840X.
Último enderezo coñecido: estrada de Foz, 12, baixo, 27770 O Valadouro, Lugo.
Feito imputado: non manter no seu cadro de persoal fixo as persoas traballadoras subvencionadas ao abeiro desta orde durante un período de tres anos contado desde a data de realización da contratación.
Precepto infrinxido: base sétima, punto 1, do anexo I da Orde do 6 de agosto de 2012 pola que se establecen as bases reguladoras do Programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o ano 2012.
Contido da resolución: inicio do procedemento de reintegro ditado o 20 de abril de 2016 pola xefa territorial da Consellería Economía, Emprego e Industria de Lugo.
