De conformidade co disposto nos artigos 59.4 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), faise pública a relación de resolucións relativas á convocatoria publicada a través da Resolución do 19 de outubro de 2015 (DOG do 10 de decembro) da avaliación previa á asignación para o complemento de recoñecemento á excelencia curricular docente e investigadora, e que intentada a súa notificación no domicilio indicado polo interesado non se puido practicar. Estas resolucións foron ditadas polo presidente da Comisión Galega de Informes, Avaliación, Certificación e Acreditación, en virtude das competencias atribuídas no artigo 22 dos estatutos da Axencia para a Calidade do Sistema Universitario de Galicia aprobados por Resolución do 10 de decembro de 2008 (DOG do 20 de xaneiro de 2009).

As persoas citadas no anexo deberán comparecer persoalmente ou debidamente representadas, no prazo de dez días contados desde o día seguinte da publicación desta cédula, na sede da Axencia para a Calidade do Sistema Universitario de Galicia (5º andar do CIFP Compostela, rúa Lamas de Abade, s/n, 15702 Santiago de Compostela), para ter coñecemento do contido das resolucións e deixar constancia da súa notificación, advertindo que en caso de non comparecer no prazo indicado, se considerarán notificadas cos efectos que lle correspondan.

As citadas resolucións poñen fin á vía administrativa e os/as interesados/as poderá/n interpoñer contra elas recurso de reposición ante o presidente da Comisión Galega de Informes, Avaliación, Certificación e Acreditación, de conformidade co artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo dun mes, ou ben ser impugnadas directamente en vía contencioso-administrativa, de conformidade co artigo 25 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación.

Santiago de Compostela, 10 de maio de 2016

Miguel A. Santos Rego
Presidente da Comisión Galega de Informes,
Avaliación, Certificación e Acreditación

ANEXO

Nome	Identificación	Expediente
Burghard Baltrusch	X2106667M	75/1-15-C
Fernando Aguado Agelet	29102319M	96/1-15-C
Miguel-Ángel Michinel Álvarez	34966524S	209/1-15-C
Fernando Ramos Fernández	34577414L	215/1-15-C
María Victoria Fernández Carballo-Calero	34970217M	212/1-15-C
Cristina López Bravo	10078778V	228/1-15-C
Benigno Fernández Salgado	33852337V	240/1-15-C
Ángel Rodríguez de Lera	76328281K	241/1-15-C
José Fernández Seara	34959146C	254/1-15-C
Concepción Cabrillana Leal	30475915H	333/1-15-C
María Emma Montanos Ferrín	34608481J	399/1-15-C
José María López Vizoso	32631256Y	504/1-15-C
Narciso de Gabriel Fernández	33823302P	518/1-15-C
Manuel García Martínez	10061481Q	529/1-15-C