1. Entidade que adxudica: organismo: Concello de Vigo. Dependencia: Educación. Expediente: 17478-332.
2. Obxecto do contrato: descrición: a adquisición dos materiais de construción e o alugamento de maquinaria que se relacionan no anexo I do PPT, para a realización de obras de mantemento nos centros de educación infantil e primaria polo persoal beneficiario do programa Vigo emprega.
División por lotes e número de lotes: si, 6. Lote 1: formigóns, morteiros e areas; lote 2: materiais de albanelaría e sanitarios; lote 3: materiais para carpintaría de aluminio e madeira; lote 4: materiais para fontanaría e saneamento; lote 5: material para instalacións eléctricas; lote 6: alugamento de maquinaria.
Lugar de execución: Vigo.
Prazo de execución: finalizará o día 30 de decembro de 2016.
3. Tramitación e procedemento:
Tramitación: ordinaria.
Procedemento: aberto.
4. Orzamento base: 144.772,70 euros (IVE incluído). Dotación por lotes: lote 1: 14.110,17 €; lote 2: 74.138,12 €; lote 3: 23.852,55 €; lote 4: 13.555,85 €; lote 5: 12.237,15 €; lote 6: 6.878,58 €.
5. Garantías provisionais: non se exixe.
6. Obtención da documentación e información: www.vigo.org (perfil do contratante). Teléfono: 986 81 01 48. Fax: 986 22 62 06.
Data límite para solicitar documentación: ata o día de finalización do prazo de presentación de proposicións.
7. Requisitos específicos do contratista: a) Documentos acreditativos da solvencia económica e financeira: declaración do volume anual de negocio. Consideraranse con solvencia económica e financeira os licitadores que no conxunto dos últimos tres anos teñan un volume de facturación que sexa igual ou superior ao prezo do contrato. b) Documentos acreditativos da solvencia técnica e profesional: unha relación das principais subministracións similares ao obxecto do contrato realizadas nos últimos cinco anos que inclúa importe, datas e o destinatario, público ou privado, destes por importe igual ou superior ao prezo do contrato. Considerarase acreditada a solvencia se nalgún dos últimos cinco anos acredita subministración por importe igual ou superior a unha anualidade media do prezo do contrato. As subministracións efectuadas acreditaranse mediante certificados expedidos ou visados polo órgano competente, cando o destinatario sexa unha entidade do sector público; cando o destinatario sexa un suxeito privado, mediante un certificado expedido por este ou, na falta deste certificado, mediante unha declaración do empresario.
8. Presentación de ofertas: prazo: o prazo rematará aos 15 días seguintes ao da última publicación do presente anuncio no BOP ou no DOG.
Documentación: a exixida na cláusula 12 do prego de condicións administrativas e no punto 7 das FEC.
Lugar de presentación: Rexistro Xeral do Concello de Vigo, praza do Rei, s/n, 36202 Vigo, ata as 13.30 horas do último día de prazo.
Admisión de melloras: non.
Prazo da obriga de manter a oferta: dous meses contados desde o día da apertura de proposicións.
9. Apertura de ofertas técnica e económica: entidade, domicilio e localidade: véxase punto 6 do anuncio.
Data e hora: anunciarase no perfil do contratante do Concello de Vigo.
10. Outras informacións:
11. Páxina web para obtención de información: www.vigo.org.
Vigo, 6 de maio de 2016
O alcalde
P.D. (Decreto e Acordo do 19.6.2015)
David Regades Fernández
Concelleiro delegado de Contratación