De conformidade co previsto no artigo 8.4 da lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade a unha encomenda de xestión, para o exercicio 2016, da Fundación Cidade da Cultura de Galicia á Empresa Pública de Servizos Agrarios Galegos, S.A. (Seaga), coas seguintes características:
Actividade: traballos de rexeneración paisaxística e execución do denominado Parque do Lago na Cidade da Cultura de Galicia.
Natureza e alcance da xestión encomendada: esta encomenda ten natureza intrasubxectiva, ao ter Seaga a consideración de medio propio da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
Prazo de vixencia: o prazo de execución dos traballos será de dous meses desde o inicio dos traballos.
Santiago de Compostela, 28 de abril de 2016
Beatriz González Loroño
Directora xerente da Fundación Cidade da Cultura de Galicia