En relación coa convocatoria publicada no DOG número 63, do 4 de abril de 2016, pola que se anunciou a licitación para os servizos multimedia a pacientes dos centros hospitalarios da Xerencia de Xestión Integrada de Ourense, Verín e O Barco de Valdeorras, advertido erro no número 5.4. do prego de prescricións técnicas, referente a «Requisitos mínimos dos televisores comúns», elimínanse os seguintes requisitos:
– Resistencia antivandálica.
– Cumprimento das certificacións IP64 y UL60601, con pantallas antibacterianas.
Procederase á publicación no perfil de contratante da resolución de corrección de erros da documentación do expediente (referencia AB-EIO1-15-004).
Co obxecto de salvagardar a equidade na concorrencia, o prazo legalmente establecido para a presentación de ofertas amplíase ata o día 31 de maio de 2016.
Ourense, 13 de maio de 2016
Eloína Núñez Masid
Xerente de Xestión Integrada de Ourense, Verín e O Barco de Valdeorras