Advertidos erros na citada resolución, publicada no Diario Oficial de Galicia número 93, do 18 de maio de 2016, cómpre facer as seguintes correccións:
– Na páxina 19150, no sumario, onde di: «Resolución do 10 de maio de 2016 pola que se convocan unhas xornadas sobre as novas leis de procedemento administrativo común e do réxime xurídico do sector público», debe dicir: «Resolución do 10 de maio de 2016 pola que se convoca un curso monográfico sobre as novas leis de procedemento administrativo común e do réxime xurídico do sector público».
– Na páxina 19150, no primeiro parágrafo da resolución, onde di: «...convócanse unhas xornadas...», debe dicir: «...convócase un curso monográfico...».
– Na páxina 19150, na base 1. Obxectivos, onde di: «As presentes xornadas estarán dedicadas...», debe dicir: «O presente curso estará dedicado...».
– Na páxina 19151, na base 4. Desenvolvemento, onde di: «Horario: de mañá», debe dicir: «Horario: día 8 de mañá e tarde e día 9 de mañá».
– Na páxina 19151, na base 4. Desenvolvemento, onde di: «Duración: 10 horas lectivas», debe dicir: «Duración: 12 horas lectivas».
– Na páxina 19151, na base 7. Modificacións, onde di: «A EGAP reserva para si a facultade de interpretar e de resolver as incidencias que poidan xurdir no desenvolvemento destas xornadas, así como a facultade de cancelalas se o escaso número de solicitudes non xustificase a súa realización.», debe dicir: «A EGAP reserva para si a facultade de interpretar e de resolver as incidencias que poidan xurdir no desenvolvemento deste curso monográfico, así como a facultade de cancelalo se o escaso número de solicitudes non xustificase a súa realización.».
– Na páxina 19151, na base 8. Certificado de asistencia oficial, onde di: «Ao final das xornadas expedirase un certificado electrónico de asistencia, descargable desde a área de matrícula ( https://egap.xunta.gal/matricula ), a aquelas persoas inscritas que participasen asiduamente e sempre que a súa asistencia fose igual ou superior ao 90 % das horas lectivas programadas. Este documento estará asinado electronicamente pola EGAP e incluirá, de forma expresa, o contido, a carga lectiva, a data, o lugar de realización das xornadas, así como un código de verificación electrónica (CVE) para contrastar a súa autenticidade.», debe dicir: «Ao final do curso monográfico entregarase un certificado de asistencia a aquelas persoas inscritas que participasen asiduamente e sempre que a súa asistencia fose igual ou superior ao 90 % das horas lectivas programadas. Neste documento aparecerán, de forma expresa, o contido, a carga lectiva, a data, o lugar de realización do curso monográfico e o selo oficial da institución.»