De conformidade co disposto na letra b) do artigo 53.1 da Lei 26/2006, do 17 de xullo, de mediación de seguros e reaseguros privados, e no artigo 12 da Orde do 17 de marzo de 2009, da Consellería de Economía e Facenda, pola que se regula o Rexistro administrativo especial de mediadores de seguros, corredores de reaseguros e dos seus altos cargos na Comunidade Autónoma de Galicia, esta dirección xeral resolveu, na data que figura no anexo, cancelar a inscrición como axencia de seguros vinculada e, por conseguinte, excluír do Rexistro administrativo especial de mediadores de seguros, corredores de reaseguros e dos seus altos cargos na Comunidade Autónoma de Galicia a sociedade Nogueira & Vidal Consulting, S.L.

A cancelación da inscrición acordouna esta dirección xeral polo incumprimento dos requisitos establecidos para que a sociedade poida figurar inscrita no rexistro administrativo ao non acreditar o exixido no artigo 21 da Lei 26/2006 para manter a inscrición, e faise pública de conformidade co establecido no artigo 56.1.c) da Lei 26/2006 e no artigo 12.2 da Orde do 17 de marzo de 2009.

Santiago de Compostela, 25 de abril de 2016

David Cabañó Fernández
Director xeral de Política Financeira e Tesouro

ANEXO

Clave do rexistro: AJ0022XG.

CIF: B-94028313.

Denominación social: Nogueira & Vidal Consulting, S.L.

Localidade: Cangas, Pontevedra.

Data da resolución: 25.4.2016.