Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:
Solicitante: Central Eléctrica Sestelo y Cía, S.A.
Domicilio social: rúa Virxe da Luz, 3, baixo, 36860 Ponteareas.
Título: LMT Lougares.
Situación: Mondariz.
Características técnicas: LMT aérea a 20 kV con condutor LA-56 de 350 metros de lonxitude, con orixe no apoio nº 4ES1201 da liña principal nº 3 O Ceo, Sabaxáns, Maceira e final no apoio de acometida ao centro de transformación Lougares. A instalación está situada en Lougares, Mondariz.
Todas aquelas persoas ou entidades que se consideren afectadas poderán presentar as súas alegacións nesta xefatura territorial; Edificio Administrativo na avenida Fernández Ladreda, 43, 5º, no prazo de vinte (20) días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 23 de marzo de 2016
Ignacio Rial Santomé
Xefe territorial de Pontevedra