Aprobados polo Pleno do 29.2.2016 os pregos de cláusulas administrativas e prescricións particulares que regularán o procedemento aberto de adxudicación de dereito de superficie da parcela municipal Faquiña-B de uso industrial, exponse ao público por oito días hábiles, contados a partir do seguinte ao de publicación do presente anuncio, para que poida presentar reclamacións quen se considere interesado.

Simultaneamente anúnciase o concurso, ben que a licitación se aprazará canto resulte necesario de se presentaren reclamacións aos pregos.

Anuncio de licitación:

1. Entidade adxudicadora.

a) Organismo: Concello de Mos.

b) Dependencia que tramita o expediente: Secretaría Xeral.

c) Número de expediente: 1.A1.0012.

2. Obxecto do contrato: adxudicación de dereito de superficie da parcela municipal Faquiña-B.

3. Descrición da parcela: parcela no monte Faquiña, de forma rectangular e cunha superficie de 9.514 m2. Uso industrial. Linda: norte, monte en man común de Tameiga; oeste, rúa Costa Faquiña; sur, camiño, e leste, monte en man común de Tameiga.

Datos urbanísticos:

Uso: industrial.

Edificabilidade atribuíble en m2: 11.099,67 m2.

4. Duración do dereito de superficie: 50 anos. Unha vez finalizado o prazo de duración, extinguiranse os dereitos e reverterán ao concello todas as construcións que sobre a parcela se edificasen.

5. Prezo da concesión: establécese como prezo mínimo ou tipo para a adxudicación do contrato o importe de 11.100,32 euros.

Renda anual: determinarase segundo a fórmula establecida nos pregos de cláusulas.

6. Garantía provisoria: 222,01 euros, que se constituirá en calquera das formas previstas no artigo 96 do TRLCSP.

7. Garantía definitiva: 4 % do importe de adxudicación.

8. Obtención de información e documentación.

a) Entidade: Concello de Mos.

b) Domicilio: Reguengo, s/n, Petelos, Mos.

c) Localidade e código postal: Mos 36416.

d) Páxina web: www.mos.es

e) Teléfono: 986 33 12 00.

f) Telefax: 986 33 66 18.

g) Data límite de obtención de documentación e información: ata o día de finalización do prazo de presentación de proposicións.

9. Presentación de ofertas e solicitudes de participación.

a) Data límite de presentación: 26 días hábiles desde a última publicación do anuncio de licitación (DOG ou BOP).

b) Documentación que hai que presentar: dous (2) sobres, segundo os pregos de cláusulas administrativas.

c) Lugar de presentación:

1º. Entidade: Concello de Mos.

2º. Enderezo: Reguengo, s/n, Petelos, Mos.

3º. Localidade e código postal: Mos 36416.

10. Apertura de ofertas.

a) Entidade: Concello de Mos.

b) Enderezo: Reguengo, s/n, Petelos, Mos.

c) Localidade: Mos.

d) Data: o sexto (6º) día hábil desde a finalización do remate do prazo de presentación de ofertas. Para os efectos da celebración, que non do cómputo, os sábados consideraranse inhábiles.

11. Gastos de anuncios: por conta do adxudicatario.

Mos, 8 de marzo de 2016

Nidia Mª Arévalo Gómez
Alcaldesa