Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:

Solicitante: Barras Eléctricas Galaico-Asturianas, S.A.

Domicilio Social: Polígono Empresarial As Gándaras, rúa A, parcela U2, Lugo.

Denominación: substitución de apoio no entroncamento der. Salete-LP Augas.

Situación: concello de Outeiro de Rei.

Características técnicas:

1. LMT aérea Augas con orixe no apoio 67 proxectado, tipo C-3000-14 e final no apoio 71 existente, cunha lonxitude de 430 metros en condutor LA-110.

2. LMT aérea Augas derivación Salete, con orixe no apoio 67 proxectado, tipo C-3000-14 e final no apoio 2 existente, cunha lonxitude de 42 metros en condutor LA-56.

Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte días a partir do seguinte ao da última publicación desta resolución.

Lugo, 5 de abril de 2016

Pilar Fernández López
Xefa territorial de Lugo