Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese á información pública a petición de autorización da instalación eléctrica que se describe:

Solicitante: Central Eléctrica Sestelo y Cía., S.A.

Domicilio social: rúa Virxe da Luz, 3 baixo, 36860 Ponteareas.

Denominación: reforma CT Paraños.

Situación: Covelo.

Características técnicas: reforma do centro de transformación situado en Paraños, Covelo, consistente na instalación de dúas celas prefabricadas de seccionamento, unha de protección e dous cadros de baixa tensión.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo avda. Fernández Ladreda 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 18 de marzo de 2016

Ignacio Rial Santomé
Xefe territorial de Pontevedra