Por Orde desta Consellería do 2 de xaneiro de 2016 (DOG nº 1, do 4 de xaneiro) convocouse a provisión, polo sistema de libre designación, de postos directivos na Axencia Galega para a Xestión do Coñecemento en Saúde.

De conformidade co establecido no artigo 59 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e en exercicio das competencias que ten atribuídas esta consellería,

DISPOÑO:

Primeiro. Resolver a convocatoria pública efectuada por Orde desta consellería do 2 de xaneiro de 2016 (DOG nº 1, do 4 de xaneiro) para os efectos previstos no número 2 do artigo 59 do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde.

Segundo. Vista a proposta realizada polo Consello Reitor da Axencia en sesión do 12 de abril de 2016, seleccionar, para o desempeño dos postos que se indican, as persoas que figuran no anexo desta orde, para os efectos de que se proceda á súa vinculación mediante contrato laboral de alta dirección.

Terceiro. Contra esta orde, que pon fin á vía administrativa, poderá interpoñerse recurso potestativo de reposición ante este mesmo órgano, no prazo dun mes contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo, no prazo de dous meses contados desde a mesma data, ante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 13 de abril de 2016

Jesús Vázquez Almuíña
Conselleiro de Sanidade

ANEXO

Posto: director da Área de Xestión do Coñecemento e Talento.

Nome e apelidos: Rodrigo Gómez Ruiz.

DNI (*): *****086C.

Posto: director da Área de Desenvolvemento e Innovación Sanitaria.

Nome e apelidos: Sergio Figueiras Gómez.

DNI (*): *****297P.

* Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 15/1999, do 13 de decembro.