Mediante a Resolución do 21 de decembro de 2015, da Secretaría Xeral da Igualdade (DOG núm. 248, do 30 de decembro), establecéronse as bases reguladoras e convocáronse para o ano 2016 as subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade.

Segundo o artigo 12.3 das bases reguladoras, a notificación individual de todas as resolucións poderase substituír pola publicación no Diario Oficial de Galicia, de acordo co establecido no artigo 59.6.b) da Lei 30/1992, do 26 de novembro, de réxime xurídico das administracións públicas e do procedemento administrativo común.

Unha vez rematada a fase de instrución das solicitudes recibidas na Secretaría Xeral da Igualdade, avaliadas as solicitudes pola comisión de valoración prevista no artigo 10.2 das bases reguladoras, vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Conceder as subvencións para o desenvolvemento de programas dirixidos a mulleres en situación de especial vulnerabilidade que se indican no anexo I pola contía resultante, logo da aplicación do establecido no artigo 5.6 das bases reguladoras, por un importe total de 1.777.500,00 euros, con cargo á aplicación orzamentaria que se indica a seguir:

Aplicación	Código proxecto	Importe
05.11.313B.481.2	2015 00142	1.777.500,00

Estas subvencións están cofinanciadas polo Fondo Social Europeo, nunha porcentaxe do 80 %, a través do programa operativo FSE Galicia 2014-2020, no obxectivo temático 9 «promover a inclusión social, loitar contra a pobreza e calquera forma de discriminación», prioridade de investimento 9.3 «a loita contra toda forma de discriminación e o fomento da igualdade de oportunidades», obxectivo específico 9.3.1 «aumentar a integración sociolaboral das persoas pertencentes a colectivos máis vulnerables, a través de actuacións que fomenten a igualdade de xénero e a conciliación da vida persoal e laboral e eviten, pola súa vez, a discriminación múltiple».

Segundo. Excluír e declarar desistidas as solicitudes que se relacionan no anexo II, con indicación da causa específica, por non cumpriren o requisito de emenda e/ou achega dos documentos preceptivos no prazo establecido, segundo o disposto no artigo 9.1 das bases reguladoras, ou ben por non cumpriren algún dos requisitos establecidos nas referidas bases reguladoras.

Terceiro. De acordo co establecido no artigo 12.4 das bases reguladoras, unha vez notificada a resolución de concesión, a entidade beneficiaria deberá comunicar no prazo de dez (10) días a súa aceptación, e comprometerse a executar o programa ou actuación subvencionada no prazo e nas condicións establecidas na convocatoria. No caso de non o comunicar no prazo indicado, entenderase tacitamente aceptada.

Cuarto. Informar as entidades beneficiarias de que a aceptación da subvención comunitaria implicará a súa aparición na lista pública de operacións cos nomes dos ou das beneficiarias, no suposto de seren entidades xurídicas, así como a outra información recollida no anexo XII do Regulamento (UE) 1303/2013, en relación co artigo 115.2 da mesma norma xurídica.

Quinto. Segundo o artigo 3 das bases reguladoras, estas subvencións son incompatibles con calquera outra axuda pública para a mesma actuación de gasto.

Sexto. De conformidade co artigo 16.2 das bases reguladoras, realizarase un primeiro pagamento do 80 % da contía da subvención concedida, en concepto de pagamento anticipado, que se fará efectivo unha vez notificada a resolución de concesión. O 20 % restante, ou a parte que corresponda, librarase logo da completa xustificación polas entidades beneficiarias do cumprimento da finalidade para a cal se concedeu a subvención e demais condicións exixidas na Resolución do 21 de decembro de 2015.

Sétimo. A data límite de presentación da documentación xustificativa da realización do programa subvencionado, de acordo co artigo 15.1 das bases reguladoras, é o 8 de outubro de 2016.

As actuacións correspondentes aos programas subvencionados xustificaranse a través das modalidades de custos simplificados previstas nos artigos 67 e 68 do Regulamento (UE) 1304/2013, segundo módulo ou custo unitario por hora efectivamente traballada, calculado sobre o custo directo de persoal máis un 20 % en concepto de gastos directos e indirectos derivados do programa.

O período de referencia para o desenvolvemento do programa e para a imputación dos gastos subvencionables é o comprendido entre o 1 de xaneiro de 2015 e o 30 de setembro de 2016.

Oitavo. As entidades beneficiarias deberán cumprir, en todo caso, cos requisitos e obrigas exixidos nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 17 das bases reguladoras e demais que resulten exixibles segundo a normativa de aplicación e, en particular, as seguintes:

– Destinar os fondos percibidos ao obxecto concreto para o cal foron concedidos, executar e acreditar a realización do programa, actuacións e actividades que fundamentan a concesión da subvención dentro do período e dos prazos establecidos na Resolución do 21 de decembro de 2015, así como o cumprimento dos requisitos, condicións e obrigas que resultan da normativa de aplicación.

– Manter un sistema de contabilidade separada ou un código contable axeitado que permita unha pista de auditoría suficiente, respecto dos ingresos da axuda percibida, dos custos directos de persoal e dos gastos de publicidade, así como conservar toda a documentación relativa á subvención e ás persoas participantes durante un período de tres anos, que se contará a partir do 31 de decembro seguinte á presentación destas contas perante á Comisión Europea. Esta data publicarase oportunamente no Diario Oficial de Galicia.

– Dar cumprimento á obriga de dar adecuada publicidade do carácter público do financiamento en todas as actuacións que deriven da execución do proxecto, en cumprimento do artigo 15.3 da Lei 9/2007, de subvencións de Galicia, e no anexo XII do Regulamento (UE) núm. 1303/2013, do Parlamento Europeo e do Consello. Así, en todo tipo de publicidade e información relativos á actuación e actividades subvencionadas, terá que constar a condición de subvencionada pola Secretaría Xeral da Igualdade e polo Fondo Social Europeo 2014-2020.

En todo caso, nos espazos de atención ás usuarias e nas comunicacións contarán co emblema da Unión Europea coa referencia ao Fondo Social Europeo, e nos lugares de realización da actuación informarase do apoio dos fondos a través dun cartel dun tamaño mínimo A3 nun lugar destacado e visible. Tamén se informará na páxina web, no caso de dispoñer dela, sobre o proxecto e a axuda financeira recibida da Unión Europea e sobre os obxectivos e resultados da operación financiada.

– Informar as persoas destinatarias de que as actuacións en que participan están financiadas pola Xunta de Galicia (Secretaría Xeral da Igualdade) e polo FSE, así como dos obxectivos dos fondos, e que deberán figurar os emblemas como mínimo en todo o material e documentos que se utilicen ou entreguen ás usuarias.

– Realizar as actuacións precisas para recoller a información suficiente relativa ao desenvolvemento das actuacións que permita dar cumprimento aos requisitos de información a través de indicadores de execución e resultados previstos no artigo 5 do Regulamento (UE) núm. 1304/2013 do Parlamento Europeo e do Consello, do 17 de decembro, relativo ao FSE. Neste senso, na súa consignación deberá respectarse o principio de integridade dos datos. Os datos de execución relativos ás entidades e ás persoas participantes referiranse ao momento inmediatamente anterior á súa participación no programa e cubriranse durante o desenvolvemento da actuación; nas catro semanas seguintes á finalización do programa deberán cubrirse os indicadores de resultado inmediato, que se deberán facilitar no período de xustificación da correspondente subvención consonte os modelos dispoñibles na páxina web da Secretaría Xeral da Igualdade. Así mesmo, a Administración poderá requirir a actualización destes datos no prazo de seis meses desde que remate esta actividade, coa finalidade de formalizar os indicadores de resultado a longo prazo descritos no antedito regulamento.

– Cumprir coa normativa de protección de datos de carácter persoal, en concreto, a Lei orgánica 15/1999, do 13 de decembro, de protección de datos de carácter persoal, e o seu regulamento de desenvolvemento aprobado polo Real decreto 1720/2007, do 21 de decembro. Os datos de carácter persoal das persoas usuarias ou participantes nas actuacións subvencionadas incorporaranse ao ficheiro de datos de carácter persoal da Secretaría Xeral da Igualdade a que se refire o artigo 26 das bases reguladoras. En todo caso, deberá constar necesariamente a autorización expresa da persoa interesada para o tratamento e incorporación dos seus datos de carácter persoal, e a entidade beneficiaria da axuda será a responsable de recadar e custodiar a dita documentación.

– Comunicarlle ao órgano concedente calquera modificación das condicións tidas en conta para a concesión da subvención, así como dos compromisos e obrigas asumidas polas entidades beneficiarias e, de ser o caso, a obtención concorrente de subvencións ou axudas para a mesma finalidade procedentes de calquera Administración ou ente público nacional ou internacional.

– Facilitar toda a información requirida pola Secretaría Xeral da Igualdade, polos órganos verificadores que se establezan en aplicación dos artigos 72, 73 e 74 do Regulamento (UE) núm. 1303/2013, do Parlamento Europeo e do Consello, do 17 de decembro, así como pola Intervención Xeral da Comunidade Autónoma, o Tribunal de Contas o Consello de Contas e outros órganos de control impostos pola normativa comunitaria no exercicio das súas funcións de fiscalización e control.

– Someterse ás actuacións de comprobación que efectuará a Secretaría Xeral da Igualdade, así como a calquera outra actuación de control que poidan realizar os órganos competentes, tanto autonómicos como estatais ou comunitarios, para o cal se achegará canta información lle sexa requirida no exercicio das actuacións anteriores. En especial, por tratarse de axudas cofinanciadas con Fondo Social Europeo, a entidade beneficiaria quedará sometida ás verificacións que poidan realizar os organismos implicados na xestión e no seguimento do FSE, que incluirán as oportunas visitas sobre o terreo.

No artigo 19 das bases reguladoras establécense os criterios de gradación dos posibles incumprimentos para determinar a cantidade que se minorará ou reintegrará.

Noveno. Esta resolución esgota a vía administrativa e contra ela poderá interpoñerse recurso potestativo de reposición ante a secretaria xeral da Igualdade, no prazo dun mes contado desde o día seguinte ao desta publicación, de conformidade co establecido nos artigos 107, 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, na súa redacción dada pola Lei 4/1999, do 13 de xaneiro, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 8 de abril de 2016

Susana López Abella
Secretaria xeral da Igualdade

ANEXO I
Concesións

Nº expediente SI427A	Solicitante	NIF	Denominación do programa	Nº horas totais imputadas	Gasto subvencionable (€)	Puntos	Importe da concesión (€)
2016/000001-0	Asociación Alar Galicia	G15775901	Súmate 2015-2016: programa integral de apoio a mulleres monoparentais	2.906	57.015,72	49	55.591,47
2016/000002-0	Federación de Familiares e Persoas con Enfermidade Mental de Galicia - Feafes Galicia	G15545353	Atención a mulleres con enfermidade mental en situación de vulnerabilidade	2.838	55.681,56	73	55.681,56
2016/000003-0	Asociación Íntegro para a Diversidade Funcional das Comarcas de Bergantiños, Terra de Soneira e Fisterra	G15173263	PIMD RURAL: programa de intervención para mulleres vulnerables con diversidade funcional no medio rural	3.100	60.822,00	81	60.822,00
2016/000004-0	Asociación pola Igualdade e a Coeducación - Apico	G94088549	Programa Apico 2015/2016: plan de loita, información e apoio integral para as vítimas de violencia de xénero	1.500	29.430,00	41	20.790,00
2016/000005-0	ONG Mestura	G15940414	Programa Neneiras	2.116	41.515,92	49	41.515,92
2016/000006-0	Asociación de Familias e Mulleres do Medio Rural de Galicia - Afammer	G32282584	Programa Nansa	562	11.026,44	25	11.026,44
2016/000007-0	Cáritas Diocesana de Tui-Vigo	R3600368I	Proxecto Agarimo	3.010	59.056,20	58	59.056,20
2016/000008-0	Down Vigo: Asociación para a Síndrome de Down	G36697324	Recursos integrais de atención personalizada e grupal de mulleres coa síndrome de Down e discapacidade intelectual	3.010	59.056,20	68	59.056,20
2016/000009-0	Down Pontevedra Xuntos, Asociación Síndrome de Down	G36164887	Programa de empoderamento de mulleres no colectivo da síndrome de Down e discapacidade intelectual	860	16.873,20	62	16.873,20
2016/000010-0	Acción Familiar Ferrol	G15745466	Reinvéntate - programa de apoio integral a mulleres en situación de especial vulnerabilidade	746	14.636,52	53	14.636,52
2016/000012-0	Fundación Érguete - Integración	G36861078	Incorporación sociolaboral de mulleres en contexto penitenciario	2.000	39.240,00	77	39.240,00
2016/000013-0	Asociación de Mulleres Anel	G32207516	Servizo de atención ás mulleres anciás que viven soas ou con persoas dependentes ao seu cargo	1.075	21.091,50	67	21.091,50
2016/000014-0	Asociación Pro Saúde Mental A Creba	G15476310	Apoio integral a mulleres con doenzas mentais procedentes do medio rural	1.075	21.091,50	52	21.091,50
2016/000015-0	Asociación de Mulleres Algueirada	G32354227	Servizo de atención ás mulleres anciás que viven soas ou con persoas dependentes ao seu cargo	970	19.031,40	65	19.031,40
2016/000016-0	Asociación Xarela Formación Animación	G32261307	Valor-es	1.150	22.563,00	63	22.563,00
2016/000017-0	Federación de Asociacións de Mulleres Anaral	G32362279	Servizo de apoio ás mulleres anciás que viven soas ou con persoas dependentes ao seu cargo	968	18.992,16	69	18.992,16
2016/000018-0	CIMO Entidade Prestadora de Servizos	G32010449	Actívate	820	16.088,40	32	16.088,40
2016/000020-0	Asociación Diversidades	G27783950	AM DREPTURI	720	14.126,40	41	14.126,40
2016/000021-0	Asociación de Acción Social, Educación Permanente y de Servicios a la Juventud y a la Mujer TEMPUS	G15681000	Daphe. Programa de busca de emprego, formación para a integración laboral e conciliación da vida familiar e laboral	240	4.708,80	12	4.708,80
2016/000022-0	Asociación Labregas	G15945686	Sensibilización e prevención social e dinamización comunitaria	4.860	95.353,20	61	70.000,00
2016/000023-0	Asociación Puntodelas - Secretaría das Mulleres	G70370119	Puntodelas	4.690	92.017,80	57	70.000,00
2016/000024-0	Asociación de Ayuda al Toxicómano Érguete	G36642726	Programa de intervención desde unha perspectiva de xénero con mulleres privadas de liberdade - Mírate	2.280	44.733,60	77	44.733,60
2016/000025-0	Federación Galega de Redeiras Artesás O Peirao	G15969868	Mellora as túas posibilidades de emprego	348	6.827,76	47	6.827,76
2016/000026-0	Asociación Mujeres en Igualdad de Burela	G27441153	P.R.I.A.P.E. para mulleres en situación de vulnerabilidade: muller, o teu traballo, a túa liberdade	3.096	60.743,52	59	60.743,52
2016/000027-0	Federación Provincial de Mulleres Rurais de Ourense - Femuro	G32237869	Femuro concilia e emprega	2.366	46.420,92	74	46.420,92
2016/000028-0	ADICAM. Asociación de Diagnosticados/as de Cancro de Mama	G36380301	Apoio integral fronte ao cancro	917	17.991,54	34	17.991,54
2016/000029-0	Fundación Amigos de Galicia	G15859911	Programa de recursos integrais para mulleres vítimas de violencia de xénero ou en risco de sufrila	3.800	74.556,00	61	70.000,00
2016/000030-0	Asociación de Ayuda a la Vida - Ayuvi	G36802536	Ti podes	2.346	46.028,52	59	42.190,84
2016/000031-0	Congregación Siervas de la Pasión	R0800086A	Atención psicosocial a mulleres xestantes ou con nenos/as menores de dous anos	1.720	33.746,40	66	33.746,00
2016/000032-0	Asociación E-Deidades	G27431873	E-Deidades busca de emprego 3.0	280	5.493,60	25	5.493,60
2016/000033-0	Asociación de Mulleres Empresarias da Provincia de Lugo – Aelu	G27105220	Lanzadeira AELU: apoio ao autoemprego e iniciativas emprendedoras a mulleres en situación de especial vulnerabilidade	840	16.480,80	48	16.396,56
2016/000034-0	Asociación Centinelas	G70390745	100 % muller	2.865	56.211,30	35	41.829,96
2016/000035-0	Unión Xeral de Traballadores de Galicia - UGT Galicia	G15383011	Servizo de atención a mulleres	2.156	42.300,72	34	31.482,94
2016/000036-0	Acadar - Asociación de Mulleres con Discapacidade de Galicia	G70223417	Programa EMERXE. Servizo de atención personalizada e especializada a mulleres con discapacidade	1.290	25.309,80	73	25.309,80
2016/000037-0	Confederación Galega de Persoas con Discapacidade - COGAMI	G32115941	Servizo de atención especializada á muller con discapacidade	4.358	85.503,96	57	70.000,00
2016/000038-0	Fundación Monte do Gozo - Proxecto Home Galicia	G15258213	Programa educativo-terapéutico para a inserción sociolaboral de mulleres drogodependentes	1.125	22.072,50	60	22.072,50
2016/000039-0	Fundación Mujeres	G80974702	Programa para o emprego e emprendemento de mulleres en situación de especial vulnerabilidade	553	10.849,86	20	10.849,86
2016/000040-0	Asociación de Empresarias de A Coruña	G15156573	Avanzadas Coruña	860	16.873,20	28	16.873,20
2016/000041-0	Auxilia Delegación Lugo	G08317059	Diversas pero iguais	900	17.658,00	47	17.658,00
2016/000042-0	Aliad Ultreia	G27021120	Tecendo futuro	705	13.832,10	60	13.827,01
2016/000043-0	Asociación Penitenciaría Concepción Arenal	G27119809	Atención integral a mulleres afectadas por procesos xudiciais	1.952	38.298,24	59	38.298,24
2016/000044-0	Alume Saúde Mental	G27198977	Programa pluriasistencial de apoio e rehabilitación con aloxamento para mulleres en situación de especial vulnerabilidade con enfermidade mental	2.431	47.696,22	75	47.696,22
2016/000045-0	Asociación Síndrome de Down de Lugo	G27202043	Programa de fortalecemento de capacidades persoais e sociais das mulleres do colectivo Down na provincia de Lugo	1.505	29.528,10	48	29.528,10
2016/000046-0	Asociación Dignidad Galicia	G15500853	Acompañamento social a mulleres en situación de exclusión social	1.720	33.746,40	42	33.746,40
2016/000049-0	Down Ourense	G32311870	Programa de atención integral a mulleres con discapacidade intelectual ou síndrome de Down para favorecer a súa inclusión	108	2.118,96	58	2.118,96
2016/000050-0	Asociación Redmadre Ourense	G32394082	Proxecto Nais 2016	693	13.596,66	61	13.596,66
2016/000051-0	Asociación de Viúvas María Andrea	G32014334	Apoiando na soidade	510	10.006,20	22	10.000,00
2016/000052-0	Asociación de Amigos da Cultura e do Ocio Aires Nosos	G32369696	Senectus	500	9.810,00	22	9.810,00
2016/000053-0	Asociación Redmadre Coruña	G70180229	Briana	2.314	45.400,68	59	45.400,68
2016/000054-0	Asociación Xuvenil Integrados	G15973357	Servizo de formación e integración para mozas con discapacidade intelectual	830	16.284,60	36	15.520,00
2016/000055-0	Asociación AMBAR das Persoas con Diversidade Funcional	G15052434	OIGO: programa integral de empoderamento e autoxestión para mulleres con discapacidade intelectual no ámbito rural	420	8.240,40	31	8.240,40
2016/000056-0	Asociación Amicos	G15747678	Programa mulleres discapacidade e maltrato 2016	1.500	29.430,00	46	29.430,00
2016/000057-0	Betania de Jesús Nazareno	R1500247J	Ti podes	720	14.126,40	68	14.126,40
2016/000058-0	Federación de Asociacións de Persoas Xordas de Galicia - Faxpg	G15068091	Recursos especializados de atención a mulleres xordas - Santiago e Vigo	937	18.383,94	61	18.383,94
2016/000059-0	ONG Ecos do Sur	G15354483	Apoio a nais IV	2.780	54.543,60	71	54.543,60
2016/000060-0	Viraventos	G70136429	A.S.I. Proxecto para o acompañamento social integral a mulleres inmigrantes con fillos/as de 0 a 3 anos en situación ou risco de exclusión social	960	18.835,20	52	18.835,20
2016/000061-0	Rede de Mulleres contra os Malos Tratos de Vigo	G36928646	Xuntas	910	17.854,20	51	17.854,20
2016/000062-0	Asociación Redmadre Pontevedra	G27707686	Nais e fill@s	2.753	54.013,86	68	54.013,00
2016/000063-0	Asociación Berenguela pola Igualdade	G70154794	Imaxína-as	256	5.022,72	22	5.022,72
2016/000064-0	Asociación Antonio Noche	G15210388	Recursos integrais de atención personalizada e especializada a mulleres en situación de especial vulnerabilidade	250	4.905,00	44	4.905,00

ANEXO II
Solicitudes denegadas e desistidas

Nº expediente SI427A	Solicitante	NIF	Programa	Causa inadmisión/denegación
2016/000011-0	Asociación Mirabal	G70312954	Programa Mimosa 2015/2016	Artigo 9.1 das bases reguladoras: incumprimento do requisito de emenda e/ou achega da documentación requirida no prazo establecido.
2016/000019-0	Asociación Érguete Baixo Miño	G36124279	Empoderamento feminino cara a incorporación social e laboral 2016	Artigo 4.1.a) das bases reguladoras: non consta a inscrición da entidade na área de igualdade do Rexistro Único de Entidades Prestadoras de Servizos Sociais
2016/000047-0	Asociación Patronato Concepción Arenal	G15030372	Programa Concepción Arenal	Artigo 9.1 das bases reguladoras: incumprimento do requisito de emenda e/ou achega da documentación requirida no prazo establecido.
2016/000048-0	Asociación de Fibromialxia e Fatiga Crónica do Noroeste - Affinor	G70136841	Programa de empregabilidade para afectadas de fibromialxia	Artigo 9.1 das bases reguladoras: incumprimento do requisito de emenda e/ou achega da documentación requirida no prazo establecido.