O texto refundido da Lei de portos do Estado e da mariña mercante, aprobado polo Real decreto lexislativo 2/2011, do 5 de setembro, no seu artigo 30 atribúe ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que se deberán facer necesariamente por proposta das administracións públicas e organismos e entidades que aqueles representen.

O Acordo do Consello da Xunta de Galicia do 16 de setembro de 2010 faculta a persoa titular da consellería competente en materia de portos para o exercicio das ditas competencias.

Por outra banda, a teor do previsto no Acordo do Consello da Xunta de Galicia do 6 de xuño de 2002, no cal se fixou a composición do Consello de Administración da Autoridade Portuaria de Ferrol-San Cibrao, nel intégranse un representante dos concellos de Cervo e Xove que alternarán cada dous anos.

Tendo en conta que mediante a Orde do 20 de marzo de 2014 (DOG número 60, do 27 de marzo), se dispuxo o nomeamento dun vogal en representación do Concello de Cervo, transcorrido o período de dous anos antes indicado cómpre efectuar un novo nomeamento.

Polo exposto, en exercicio da facultade atribuída

DISPOÑO:

O cesamento de Alfonso Villares Bermúdez como vogal no Consello de Administración da Autoridade Portuaria de Ferrol-San Cibrao, en representación do Concello de Cervo, agradecéndolle os servizos prestados.

Santiago de Compostela, 5 de abril de 2016

Rosa María Quintana Carballo
Conselleira do Mar