As resolucións ditadas nos expedientes sancionadores número PO-00274-O-2010 e cinco máis, por infracción da normativa sobre transporte terrestre, son firmes. As persoas sancionadas non aboaron as multas impostas. En consecuencia, requírese o seu pagamento ás persoas que figuran como caucionistas nos referidos expedientes.
Intentada a notificación do requirimento por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse os requirimentos de pagamento aos caucionistas.
O importe da sanción deberá ser aboado dentro do prazo establecido no artigo 62 Lei 58/2003, do 12 de decembro, xeral tributaria, empregando o modelo impreso que se facilitará nas oficinas da Subdirección Xeral de Inspección do Transporte, situadas en praza de Europa, 5 A, 2º, en Santiago de Compostela. A data de publicación do presente anuncio no BOE será a que determine o inicio do cómputo do referido prazo.
De non efectuarse o ingreso no dito prazo, procederase ao seu cobramento pola vía de constrinximento, segundo o disposto no artigo 97 da Lei 30/1992, do 26 novembro, de réxime xurídico das administracións públicas e do procedemento administrativo común.
Santiago de Compostela, 30 de marzo de 2016
David Conde Varela
Subdirector xeral de Inspección do Transporte
