A Dirección Xeral da Función Pública recibiu da Sala do Contencioso-Administrativo do Tribunal Superior de Xustiza de Galicia providencia polo cal se admite a trámite o recurso contencioso-administrativo P.O. 290/2015, interposto por Lourdes Fernández Parajes, contra a desestimación do recurso de alzada do 3 de xullo de 2015, contra o Acordo do 16 de abril de 2015 do tribunal do proceso selectivo para o ingreso no corpo facultativo superior da Xunta de Galicia, subgrupo A1, escala de enxeñeiros/as industriais, convocado pola Orde do 20 de xuño de 2013, que desestima a reclamación respecto á puntuación obtida pola interesada no terceiro exercicio.

En consecuencia, esta dirección xeral acordou nesta data, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos da Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contados desde o seguinte ao da publicación desta resolución no Diario Oficial de Galicia.

Santiago de Compostela, 23 de marzo de 2016

José María Barreiro Díaz
Director xeral da Función Pública