Expediente: IN407A 2016/027-1.
Solicitante: Unión Distribuidores Electricidad, S.A.
Denominación: LMAT 20 kV a CT O Seixo.
Concello: Frades.
Características técnicas:
Liña aérea de media tensión 20 kV, circuíto simple (SC), cunha lonxitude de 0,541 km sobre apoios de formigón, con condutor recuberto CCX55-Al3 20 kV (PAS 50), coa orixe no apoio nº 125 existente tipo HVH 2500/15 da liña troncal LMT Eixo-Cimadevila Rabal (expediente IN407A 2009/303-1) e remate no apoio nº 7 onde se atopa instalado o CT O Seixo.
Lexislación de aplicación:
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial da Consellería de Economía e Industria, sita na rúa Vicente Ferrer, 2, 2º andar, 15071 A Coruña, no prazo de vinte días, a partir do día seguinte ao da última publicación desta resolución.
A Coruña, 4 de marzo de 2016
Isidoro Martínez Arca
Xefe territorial da Coruña