A Xunta de Goberno local, con data do 20 de novembro de 2015, adoptou o seguinte acordo:
«Primeiro. Aprobar inicialmente o proxecto de expropiación para a obtención do solo dunha leira sita no lugar de Perdiceiros afectada pola execución do proxecto de acondicionamento de espazo público en Eirís, avda. de Monelos e rúa Jerónimo Vázquez Franco.
Segundo. Optar polo procedemento de taxación conxunta para a determinación do prezo xusto.
Terceiro. Someter o citado expediente a información pública polo prazo dun mes para os efectos de alegacións con notificación individual aos titulares de bens e dereitos que aparecen no expediente, mediante traslado literal da correspondente folla de aprecio e da proposta de fixación dos criterios de valoración, para que no prazo dun mes contado desde o día seguinte ao do recibo da notificación, formulen alegacións e acheguen os títulos que os acrediten como propietarios ou titulares doutros dereitos, se for o caso».
De conformidade co disposto no artigo 143.2 e 3 da Lei 9/2002, de ordenación urbanística e protección do medio rural de Galicia, o citado expediente sométese a información pública polo prazo dun mes para que os que poidan resultar interesados formulen as observacións e reclamacións que achen pertinentes.
Para estes efectos, indícase que o expediente pode consultarse durante o prazo dun mes nas dependencias da Área de Rexeneración Urbana e Dereito á Vivenda (rúa de Indalecio Prieto, nº 1), de luns a venres, das 9.00 ás 14.00 horas.
A Coruña, 17 de decembro de 2015
P.D. (Decreto 15.6.2015)
Xiao Gómez Varela
Tenente de alcalde de Rexeneración Urbana e Dereito á Vivenda