O Pleno da Corporación, en sesión celebrada o día 28 de xaneiro de 2016, acordou aprobar definitivamente o expediente número 6/2014.PEDS do Plan especial de dotación de servizos no monte das Arcas, A Xesteira, para o núcleo de recente creación NC das NNSS do concello de Arteixo, tramitado por instancia de Susana Suárez Agrasar, segundo o proxecto técnico redactado pola arquitecta María Dolores Crespo Chouza.

A dita aprobación definitiva foi comunicada á Consellería de Medio Ambiente e Ordenación do Territorio con data 1 de marzo de 2016.

Contra o acordo de aprobación definitiva deste plan especial, instrumento de planeamento que ten natureza de disposición xeral, poderase interpor recurso contencioso-administrativo perante a sala correspondente do Tribunal Superior de Xustiza de Galicia no prazo de dous meses contados a partir do día seguinte ao da publicación do presente anuncio (artigo 46 da Lei 29/1998, do 13 de xullo, reguladora da xurisdición contencioso-administrativa).

Arteixo, 3 de marzo de 2016

P.D. (Decreto nº 1336, do 6.7.2015)
Luís Alberto Castro Calvete
Concelleiro do Departamento de Urbanismo e Medio Ambiente