Para os efectos previstos na Lei 24/2013, do 26 de decembro (BOE núm. 310), e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Wood Chips Galicia, S.L.U.
Domicilio social: avda. Zumalacárregui, 35 baixo, 15350 Cedeira.
Denominación: proxecto do CT e acometida para planta de secado e preparación da estela de madeira (biomasa) con fins enerxéticos (xeración térmica).
Situación: parque empresarial Sigüeiro, parcela 5, 15880 Oroso.
Características técnicas:
Dúas celas E/S, cela de seccionamento. LMT RHZ1 2OL 12/20 kV, 3×(1×240 mm) 2,53 m.
Cela de remonte a protección xeral, cela de medida. Transformador Cotradis 400 kVA, refrixeración natural en aceite, 20 kV/420 V.
Todas aquelas persoas ou entidades que se consideren afectadas poderán examinar o proxecto e/ou presentar as súas alegacións nesta xefatura territorial, situada no Edificio Administrativo de Monelos, rúa Vicente Ferrer, 2, 1º andar, 15071 A Coruña, no prazo de vinte días, contados a partir do día seguinte ao da publicación, segundo o disposto nos artigos 48 e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 14 de marzo de 2016
Isidoro Martínez Arca
Xefe territorial da Coruña