No Xulgado do Contencioso-Administrativo número 1 de Santiago de Compostela tramítase o recurso 4/2016 (procedemento abreviado), interposto por Fernando Fuentes Fernández contra a Resolución do 19 de marzo de 2015, da Dirección Xeral de Recursos Humanos do Servizo Galego de Saúde, pola que se resolve, con carácter definitivo, o concurso de traslados para a provisión de diversas prazas básicas de persoal licenciado sanitario, convocado por Resolución do 8 de xaneiro de 2014 (DOG núm. 59, do 27 de marzo de 2015), contra a Resolución da Xerencia de Xestión Integrada de Santiago de Compostela pola que se ordena a integración nas prazas do Centro de Saúde de Outes e contra a Resolución do 5 de novembro de 2015, da Dirección Xeral de Recursos Humanos, que desestima o recurso de alzada interposto contra as anteriores.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 16 de febreiro de 2016

Margarita Prado Vaamonde
Directora xeral de Recursos Humanos