O Pleno da Deputación Provincial de Pontevedra, na sesión ordinaria que tivo lugar o día 29 de xaneiro de 2016, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, a delegación que realizou o Concello de Catoira, por Acordo do Pleno municipal do 30 de novembro de 2015, das facultades de recadación das multas de tráfico e a encomenda de xestión da colaboración na tramitación dos expedientes sancionadores en materia de tráfico.

A citada delegación e a encomenda de xestión realizaraa a Deputación Provincial de Pontevedra a través dos seus servizos tributarios.

O que se fai público para xeral coñecemento.

Pontevedra, 11 de febreiro de 2016