De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselles ás entidades que se relacionan no anexo as resolucións ditadas no procedemento de baixa no Rexistro de Centros e Entidades de Formación para o Emprego da Comunidade Autónoma de Galicia, devoltas polo servizo de Correos por resultaren descoñecidas ou porque, intentada a notificación en dúas ocasións, non se puido efectuar.

Contra as resolucións, que non esgotan a vía administrativa, os interesados poderán interpoñer recurso de alzada ante o conselleiro de Economía, Emprego e Industria no prazo dun mes, contado a partir do día seguinte ao da súa publicación no Boletín Oficial del Estado, de acordo co establecido no artigo 114, seguintes e concordantes, da Lei 30/1992, do 26 de novembro, de réxime xurídico das administracións públicas e do procedemento administrativo común.

Infórmanse de que os expedientes se atopan á súa disposición nas dependencias do Servizo de Planificación de Formación para o Emprego da Dirección Xeral de Orientación e Promoción Laboral, situadas no Edificio Administrativo de San Lázaro, Santiago de Compostela, das 9.00 ás 14.00 horas, de luns a venres, para o coñecemento íntegro do acto notificado e constancia deste.

Santiago de Compostela, 25 de febreiro de 2016

José Alfonso Marnotes González
Director xeral de Orientación e Promoción Laboral

ANEXO

Entidade: Maryanne Blanfer, S.C.

Número de censo: 36H00701.

Entidade: Centro de Estudios de Formación Alfer, S.L.

Número de censo: 36H00789.

Entidade: Acuartelamiento General Rubín.

Número de censo: 36H00187.

Entidade: Aula Informática de Galicia, S.L.

Número de censo: 36H00087.

Entidade: Jesús Sáez Batallán.

Número de censo: 36H00968.

Entidade: Disket Informática, S.L.

Número de censo: 36H00093.

Entidade: Cámara Oficial de Comercio, Industria e Navegación de Ferrol.

Números de censo: 15C01290 e 15C00206.