Perante este xurado provincial de montes veciñais en man común, tramítase o expediente de clasificación do monte coas seguintes características:
Expediente: 7/2015.
Denominación: Santo Estevo de Pol (agás Eirón) (ampliación).
Comunidade propietaria: veciños/as da parroquia de Santo Estevo de Pol (agás Eirón).
Parroquia: Santo Estevo de Pol.
Concello: Pol.
Superficie: 20,02 hectáreas.
Estremas:
Norte: polígono 64, parcelas 51, 89, 72, 71, 70, 69, 68, 67 e 66.
Leste: polígono 72, parcelas 9005 (camiño), 54, 9003 (camiño), 17, 24, 25, 59 e 26.
Sur: polígono 71, parcela 9005 (camiño).
Oeste: polígono 72, parcelas 53, 50, 49, 63, 48, 47, 46, 45, 44, 43 e 39, e polígono 64, parcela 1.
En virtude do acordado polo Xurado na sesión do 30 de xuño de 2015, e en cumprimento da orde do instrutor, conforme o disposto na Lei 13/1989, do 10 de outubro, de montes veciñais en man común (MVMC), por este anuncio faise pública a iniciación do expediente para a posible clasificación do monte indicado.
De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles a aquelas persoas, organismos ou corporacións que resulten interesadas a posibilidade de comparecer e intervir no expediente iniciado e formular, no prazo dun mes contado desde o día seguinte ao da publicación deste anuncio no Boletín Oficial del Estado (BOE), cantas alegacións coiden oportunas na defensa dos dereitos que crean que os asisten e achegar, de ser o caso, a documentación que consideren conveniente ao respecto.
Así mesmo, este anuncio publicarase no Diario Oficial de Galicia de acordo co establecido no artigo 23 do Decreto 260/1992, do 4 de setembro, para a execución da Lei de montes veciñais en man común, ben que a eficacia do acto notificado quedará supeditada á súa publicación no BOE.
Lugo, 11 de febreiro de 2016
José Ramón Losada Fernández
Presidente do Xurado Provincial de Clasificación
de Montes Veciñais en Man Común de Lugo