Visto o expediente para outorgamento das autorizacións administrativas previa e de construción da instalación eléctrica que a continuación se describe:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle.

Denominación: LMT e CT Álvaro Cunqueiro, s/n.

Situación: O Barco de Valdeorras.

Características técnicas:

LMT subterránea de 65 m de lonxitude a 15 kV, con condutor RHZ1 e con orixe na LMT BDV719 procedente do CT Eloy Mira 1-3 (32CFM4) e remate na LMT BDV719 ao CT Calvo Sotelo (32CR88) con entrada e saída no CT proxectado; rúa Dr. Pérez Lista, compacto de 630 kVA e R/T 15.000/400-230 V.

Orzamento: 47.840,74 euros.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Conceder a autorización previa e a autorización administrativa de construción á devandita instalación, cuxas características se axustarán en todas as súas partes ao proxecto arriba sinalado e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e en especial as relativas á ordenación do territorio e ao ambiente.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra a presente resolución poderá interpoñer recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación ou publicación desta resolución; tamén poderá interpoñera calquera outro recurso que xulgue pertinente ao seu dereito.

Ourense, 1 de febreiro de 2016

Alfonso Tomás Paz Doniz
Xefe territorial de Ourense