Advertidos erros na referida resolución, publicada no DOG nº 247, do 29 de decembro de 2015, procede facer as seguintes correccións:
– Na páxina 49492, na letra d), onde di:
«d) Non ter desempeñado en España con anterioridade á data de publicación no DOG destas bases traballos por conta allea dados de alta no grupo de cotización 1 ou 2 por un período total superior a 185 días (experiencia laboral en España distinta a bolsas de formación ou prácticas) nin ter estado dado de alta como autónomo en España con anterioridade á data de publicación no DOG destas bases, por un período superior a 185 días, nun CNAE relacionado con comercio por xunto ou con actividades profesionais».
Debe dicir:
«d) Non ter desempeñado en España con anterioridade –antes da contratación obxecto destas bases- traballos por conta allea dados de alta no grupo de cotización 1 ou 2 por un período total superior a 185 días (experiencia laboral en España distinta a bolsas de formación ou prácticas) nin ter estado dado de alta como autónomo en España con anterioridade –antes da contratación obxecto destas bases-, por un período superior a 185 días, nun CNAE relacionado con comercio por xunto ou con actividades profesionais».
– Na páxina 49492, na letra e), onde di:
«e) Estar dado de alta como demandante de emprego (ou demandante de mellora de emprego) no servizo público de emprego de Galicia ou, se é o caso, estar inscrito no Sistema nacional de garantía xuvenil, antes da data de presentación da súa solicitude de axuda».
Debe dicir:
«e) Estar dado de alta como demandante de emprego (ou demandante de mellora de emprego) no servizo público de emprego de Galicia ou, se é o caso, estar inscrito no Sistema nacional de garantía xuvenil, antes da contratación obxecto destas bases».