Tras o cesamento por petición propia de Miguel Ángel Viso Diéguez como presidente da denominación de orixe Ribeiro, o pleno deste consello regulador celebrado o pasado día 4 de febreiro elixiu a José Felicísimo Pereira Freijido para ocupar o dito cargo.

Conforme indica o artigo 20 do Decreto 4/2007, do 18 de xaneiro, polo que se regulan as denominacións xeográficas de calidade do sector alimentario e os seus consellos reguladores, unha vez elixida a persoa que desempeñará a presidencia, deberá facerse o seu nomeamento mediante orde da consellería competente.

Polo anterior,

DISPOÑO:

Artigo único

Nomear presidente do Consello Regulador da Denominación de Orixe Ribeiro a José Felicísimo Pereira Freijido.

Santiago de Compostela, 5 de febreiro de 2016

Ángeles Vázquez Mejuto
Conselleira do Medio Rural