A Deputación Provincial da Coruña, na sesión plenaria ordinaria celebrada o 26 de marzo de 2010 adoptou, entre outros, o acordo que se transcribe:
«22. Aceptación da delegación de competencias en materia de instrución de expedientes sancionadores por infraccións de normas de tráfico do Concello de Corcubión.
Aceptar a delegación de competencias en materia de sancións por infracción das normas sobre tráfico, circulación de vehículos de motor e seguridade viaria acordada polo Concello de Corcubión.
O exercicio das competencias delegadas obxecto de aceptación levarase a cabo nos termos establecidos nas bases e terá efectos desde o momento en que se publique este acordo no Boletín Oficial da provincia e no Diario Oficial de Galicia, conforme o establecido no artigo 7 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo».
O que se fai público para xeral coñecemento.
A Coruña, 29 de xaneiro de 2016
Valentín González Formoso |
Mª Amparo C. Taboada Gil |
Presidente da Deputación Provincial |
Secretaria accidental da Deputación |